Անկարայում ձերբակալվել է ԴԱԻՇ-ի 10 հավաքագրող
Թուրքիայի մայրաքաղաք Անկարայում իրավապահների հատուկ օպերացիայի ընթացքում ձերբակալվել է ԴԱԻՇ-ի շարքերը մարդկանց հավաքագրող 10 մարդ, հայտնում է Anadolu գործակալությունը:
Ինչպես նշվում է, հասցեները, որոնցում անցկացվել են ստուգումներ, եղել են նախապես թիրախավորված: Խուզարկությունների ժամանակ ձերբակալվածներից առգրավվել են զենք ու փաստաթղթեր, որոնք առնչվում են ԴԱԻՇ-ի գործունեությանը:
Բժշկական զննությունից հետո կասկածյալներին տեղափոխել են ոստիկանության բաժանմունք:
