Պենտագոնը հայտարարել է Իրաքում ԴԱԻՇ-ի դեմ ցամաքային օպերացիա սկսելու մասին
Պենտագոնի ղեկավար Էշթոն Քարտերը հայտարարել է, որ ԴԱԻՇ-ի դեմ պայքարի միջազգային կոալիցիան պետք է զինյալներից ազատագրի Իրաքի Մոսուլ ու Ռաքքա քաղաքները, հայտնում է Reuters-ը:
Նրա խոսքով՝ դրա համար ռազմավարության շրջանակում ներգրավվելու են «ցամաքային օպերացիաներ»:
«Մենք պետք է նրանց ոչնչացնենք (ԴԱԻՇ-ի զինյալներին) այդ երկու վայրերում, ու ես մտադիր եմ դրանով զբաղվել, որքան հնարավոր է, արագ»,- հայտարարել է Քարտերը:
Ինչպես գրում է Politico-ն, նա նաև հայտնել է, որ Իրաքում ԴԱԻՇ-ի դեմ ռազմական օպերացիային մասնակցելու է ԱՄՆ 101-րդ օդադեսանտային դիվիզիան:
