Հովիկ Հովսեփյանը՝ Վ. Բրյուսովի անվան պետական լեզվահասարակագիտական համալսարանի խորհրդի նախագահ
ՀՀ վարչապետի 2015թ. դեկտեմբերի 24-ի N 1662-Ա հրամանով հաստատվել է Երևանի Վ. Բրյուսովի անվան պետական լեզվահասարակագիտական համալսարանի խորհրդի կազմը: Այսօր ԵՊԼՀ նիստերի դահլիճում տեղի ունեցավ Խորհրդի անդրանիկ նիստը:
Նիստի օրակարգում ներառված էր 4 հարց՝ ԵՊԼՀ խորհրդի նախագահի ընտրություն, 2015թ. գործունեության հաշվետվություն, 2015թ. եկամուտների և ծախսերի կատարողականի և 2016թ. եկամուտների և ծախսերի նախահաշվի հաստատում:
Նիստը բացեց ՀՀ կրթության և գիտության նախարար Արմեն Աշոտյանը:
ԵՊԼՀ խորհրդի նախագահի թեկնածու առաջադրվեց և միաձայն ընտրվեց ՀՀ նախագահի վերահսկողական ծառայության ղեկավար Հովհաննես Հովսեփյանը:
ԵՊԼՀ ռեկտոր Գայանե Գասպարյանը ներկայացրեց ԵՊԼՀ 2015թ. գործունեության վերաբերյալ ծավալուն հաշվետվություն, որը ներառում էր կրթական, գիտահետազոտական, միջազգային գործունության, ուսանողների և շրջանավարտների հետ տարվող աշխատանքների, սոցիալական քաղաքականության ոլորտները:
Այնուհետև խորհրդի կողմից հաստատվեց նաև 2015թ. եկամուտների և ծախսերի կատարողականը և 2016թ. եկամուտների և ծախսերի նախահաշիվը:
