Բրիտանիան հնարավոր է համարում ԴԱԻՇ-ի շարքերին միջուկային հարված հասցնելը
Մեծ Բրիտանիայի փոխծովակալ Ջոն Ուիլը թույլատրելի է համարում Սիրիայում ԴԱԻՇ-ի դեմ «Թրայդենտ» համակարգի բալիստիկ հրթիռների օգտագործումը, որը ի վիճակի է կրել միջուկային լիցք ավելի քան 11 հազար կիլոմետր հեռահարությամբ:
Ինչպես գրում է Express պարբերականը, Ուիլը կարծում է, որ կանխարգելիչ միջուկային զենքը թույլ չի տա զինյալներին ստանալ այսպես կոչված «կեղտոտ ռումբ»:
Նա նաև նշել է, որ ներկայում Բրիտանիայի ռազմածովային նավատորմն ունի «Վենգարդ» տեսակի 4 ստորջրյա նավ՝ բալիստիկ հրթիռներով: Նրա խոսքով՝ «Թրայդենտ» հրթիռները կարող են կիրառվել զինյալների դիրքերին կոալիցիայի հարվածի դեպքում:
«Ջիհադիստներին կանգնեցնել չի ստացվի, սակայն դրա փոխարեն մենք թույլ չենք տա նրանք ստանալ նյութեր կեղտոտ ռումբերի պատրաստման համար»,- ասել է բրիտանացի գեներալը:
