Պետերբուրգում խոզի գրիպից 12 մարդ է մահացել
Սանկտ Պետերբուրգում խոզի գրիպից մահացել է 12 մարդ, այդ թվում՝ 2 հղի կին, հայտնում է «Դոկտոր Պիտեր» պորտալը:
Հաղորդվում է, որ սուր շնչառական հիվանդություններով ու գրիպի ախտանշաններով հոսպիտալացված բնակիչների թիվը ավելանում է:
Սուրբ Գեորգիի անվան հիվանդանոցի բժշկական մասի պետ Իգոր Իվանովը հայտարարել է, որ ավելանում է սուր շնչառական հիվանդություններով հոսպիտալացված մարդկանց թիվը, ու եթե հարկ լինի, հիվանդանոցը կաշխատի ուժեղացված ռեժիմով:
Ավելի վաղ հաղորդվել է, որ Ռուսաստանում խոզի գրիպով վարակվածների թիվը հասնում է 20-ի:
