ԼՂ հակամարտության պես սառեցված հակամարտությունները վտանգ են ներկայացնում տարածաշրջանի համար. Դավութօղլու
Ահաբեկչական սպառնալիքներն ու սառեցված հակամարտությունները վտանգավոր իրավիճակ են ստեղծում Թուրքիայի շուրջ: Ինչպես հայտնում է APA-ն, այդ մասին Դավոսի համաշխարհային տնտեսական համաժողովում հայտարարել է Թուրքիայի վարչապետ Ահմեդ Դավութօղլուն։
Հայտարարելով Թուրքիայի՝ կայունության ձգտման մասին, Թուրքիայի վարչապետը հիշեցրել է տարածաշրջանում առկա սառեցված հակամարտությունների մասին, ինչպիսիք են աբխազական ու Լեռնային Ղարաբաղի հակամարտությունները:
«Կա վտանգ, որ դրանք ցանկացած ժամանակ կարող են ակտիվանալ»,- հայտարարել է Դավութօղլուն:
Նա ընդգծել է, որ այդ հակամարտությունները կարող են տարածաշրջանում վտանգավոր իրավիճակ ստեղծել:
