Բելգիայում 2 մարդ է ձերբակալվել Փարիզի ահաբեկչություններին առնչություն ունենալու կասկածանքով
Բրյուսելի Մոլենբեկ թաղամասում ոստիկանական հատուկ օպերացիայի ընթացքում Փարիզի ահաբեկչություններին առնչություն ունենալու կասկածանքով ձերբակալվել է մեկ բելգիացի ու մարոկկացի, հայտնում է Deutsche Welle-ն:
«Երկուսն էլ ձերբակալել են՝ պարզելու հնարավոր կապերը այդ գործով անցնող կասկածյալների հետ»,-հայտնել են Բելգիայի դաշնային դատախազությունից:
Նշվում է, որ 1986թ. ծնված Բելգիայի քաղաքացուն ու 1981թ. ծնված Մարոկկոյի քաղաքացուն կարող են ազատ արձակել օրվա ընթացքում անբավարար ապացույցների պատճառով:
Հունվարի 20-21-ին անցկացված հատուկ օպերացիայի ժամանակ Մոլենբեկում չեն հայտնաբերվել զենք ու պայթուցիկներ:
Մարոկկոյի իշխանություններն ավելի վաղ հայտնել էին Փարիզի ահաբեկչություններին առնչություն ունեցող ծագումով մարոկկացի Բելգիայի քաղաքացու կալանավորման մասին:
