Մենք հասել ենք մեր բոլոր հիմնական նպատակներին. Իրանի նախագահը՝ միջուկային գործարքի մասին
Իրանի նախագահ Հասան Ռոուհանին շնորհավորել է երկրի ժողովրդին միջուկային բարդ բանակցություններում տարած հաղթանակի կապակցությամբ, որը ավարտվել է Արևմուտքի հետ համաձայնագրի կնքմամբ:
«Մենք հասել ենք առանց բացառության բոլոր հիմնական նպատակներին»,- ասել է Ռոուհանին, ում խոսքերը մեջբերում է IRNA գործակալությունը:
Իրանի նախագահը նման հայտարարություն է արել գեներալ-նահանգապետերի, ինչպես նաև Իրանի փորձագետների ասամբլեայի ու խորհրդարանում ընտրությունների անցկացման համար պատասխանատու պաշտոնյաների մասնակցությամբ հրավիրված նիստի ժամանակ:
«Մեր առաջին «կարմիր գիծը» եղել է բոլոր հակաիրանական բանաձևերի չեղյալ հայտարարումը, երկրորդը՝ բոլոր պատժամիջոցների չեղարկումը»,- հավելել է Հասան Ռոուհանին:
