Մակեդոնիան փակել է սահմանը ներգաղթյալների համար
Մակեդոնիայի իշխանությունները հայտարարել են Հունաստանի հետ սահմանը ներգաղթյալների համար փակելու մասին, որտեղ արդեն հավաքվել է գրեթե 600 մարդ, հայտնում է korrespondent.net-ը:
Սկոպիե քաղաքի ոստիկանությունը պնդում է, որ նման որոշման համար պատճառ են ծառայել Սլովենիա ուղևորվող գնացքների հետ առաջացած տեխնիկական խնդիրները, որը սովորաբար դառնում է Մակեդոնիայից հետո ներգաղթյալների համար դեպի Եվրոպայի խորքերը գնալու ճանապարհին հաջորդ կանգառը:
Ոստիիկանությունը նշում է, որ այդ պատճառով ներգաղթյալները մնում են Մակեդոնիայում ու բացասաբար ազդում երկրի կյանքի վրա, ինչի պատճառով էլ նրանց այլևս երկիր չի թույլատրվի մուտք գործել:
Նշենք, որ հունվարի 20-ին Սերբիան ու Խորվաթիան հայտարարել են, որ այլևս չեն ապաստանի ներգաղյալների ու կարող են միայն թույլատրել վերջիններիս իրենց երկրի տարածքով ուղևորվել դեպի Ավստրիա ու Գերմանիա:
