Հրդեհ է բռնկվել ավտոտեխսպասարկան կետում. տուժածի վիճակը կայուն ծանր է
Հունվարի 20-ին, ժամը 21.30-ին ահազանգ է ստացվել, որ Երևանի Նորագավիթի գերեզմանատան մոտակայքում այրվում է ավտոմեքենա:
Դեպքի վայր են մեկնել ՃԿԱԿ ՕԽ-ն և երկու մարտական հաշվարկ:
Պարզվել է, որ հրդեհը բռնկվել է Արտաշատի խճուղու 1-ին նրբանցքի թիվ 7 հասցեում գտնվող ավտոտեխսպասարկան կետում:
Հրդեհը մեկուսացվել է ժամը 21.49-ին, մարվել՝ 21.53-ին: Ամբողջությամբ ջերմահարվել է ավտոտեխսպասարկման կետի կախովի առաստաղը (մոտ 54 քմ), հորանում (մոտ 5 քմ տարածքում) այրվել է ավտոմեքենայի յուղ և ներսում կայանված «Mitsubishi Chariot» մակնիշի 26 UU 845 պ/հ (վարորդ Մ.Գ., ծնվ. 1974 թ.) ավտոմեքենան՝ ամբողջությամբ:
Մինչ հրշեջ-փրկարարների կանչի վայր հասնելը` Գ. Վ.-ը (ծնվ. 1994 թ.), տարբեր աստիճանի այրվածքներով, տեղի ուժերով տեղափոխվել է «Էրեբունի» ԲԿ. բժիշկները տուժածի առողջական վիճակը գնահատել են կայուն ծանր:
