ԴԱԻՇ-ի զինյալները Իրաքում քրիստոնեական մենաստան են ոչնչացրել
ԴԱԻՇ-ի զինյալները ոչնչացրել են Իրաքի Մոսուլ քաղաքի մոտ գտնվող սուրբ Եղիայի (Դեյր Մար Եղիա) հնագույն քրիստոնեական մենաստանը, հայտնում է BBC-ն:
Սրբավայրի ոչնչացման մասին են վկայում այդ շրջանի արբանյակային լուսանկարները:
Սուրբ Եղիայի մենաստանի կառուցումը թվագրվում է 14-րդ դարին, այն համարվում էր Իրաքի քրիստոնեական հնագույն մենաստաններից մեկը, որը պահպանվել էր մինչ մեր օրերը:
Փորձագետների կարծիքով՝ ԴԱԻՇ-ի զինյալները մենաստանը ոչնչացրել են դեռ 2014 թվականի ամռանը, սակայն այդ փաստը միայն հիմա է հաջողվել հաստատել:
Փորձագետներն ասում են, որ ավերման մասշտաբները վկայում են այն մասին, որ մենաստանը ոչնչացվել է բուլդոզերի կամ պայթյունի օգնությամբ:
