«Մեսսիի, Սուարեսի և Նեյմարի ընկերությունն ամենավատն է, ինչ պատահել է ֆուտբոլում». Խորխե Սամպաոլի
Չիլիի հավաքականի գլխավոր մարզիչ Խորխե Սամպաոլին կատակել է, որ ՖԻՖԱ-ն պետք է որակազրկի «Բարսելոնայի» հարձակողական եռյակին:
«ՖԻՖԱ-ն պետք է միջամտի այս իրավիճակին: Մեսսիի, Սուարեսի և Նեյմարի ընկերությունն ամենավատ բանն է, ինչ պատահել է ֆուտբոլային աշխարհում: Մեսսին ընդունակ է միայնակ խաղեր հաղթել, իսկ երբ նրա կողքին խաղում են Սուարեսը և Նեյմարը, ապա մրցակիցները շանս չեն ունենում: ՖԻՖԱ-ն պետք է նրանց որակազրկի»,- ասել է Սամպաոլին:
Երկուշաբթի Metro պարբերականը հաղորդել է, որ «Չելսին» հետաքրքրություն է ցուցաբերում Սամպաոլիի նկատմամբ: Ըստ աղբյուրի տեղեկության, «կապույտները» պատրաստ են վճարել 5.5 մլն եվրո Սամպաոլիի` Չիլիի հավաքականի հետ պայմանագրի խզման համար:
2015թ. Լիոնել Մեսսին, Նեյմարը և Լուիս Սուարեսը միասին դարձել են 137 գոլի հեղինակ: «Բարսելոնայի» մյուս բոլոր խաղացողները խփել են 43 գնդակ:
Պատրաստեց Անի Գաբուզյանը
