Սթիվեն Հոքինգը տեխնածին աղետ է կանխատեսում
Հայտնի ֆիզիկոս-տեսաբան Սթիվեն Հոքինգը հայտարարել է, որ Երկրագնդի վրա տեխնածին աղետն անխուսափելի է: Ըստ գիտնականի՝ այն տեղի կունենա մի քանի հազար տարի հետո, հայտնում է BBC-ն:
«Աղետի առաջացման շանսերը Երկիր մոլորակի վրա այս տարի չափազանց քիչ են, սակայն ժամանակի հետ կմեծանան, այդ պատճառով չի առաջանում կասկած, որ դա տեղի կունենա մոտակա հազար կամ տասը հազար տարվա ընթացքում»,- հայտարարել է Հոքինգը:
Գիտնականը ենթադրում է, որ աղետի պատճառը մարդկային գործունեությունն է լինելու՝ մարդկանց կարող է կործանել միջուկային աղետը կամ արհեստականորեն ստեղծված վիրուսի տարածումը:
