Լաթաքիայում ԴԱԻՇ-ի շարքերում դասալքության դեպքեր են տեղի ունենում
ՌԴ պաշտպանության նախարարության ներկայացուցիչ Իգոր Կոնաշենկովը հայտարարել է ԴԱԻՇ-ի մի քանի տասնյակ զինյալների դասալքության մասին: Այս մասին հայտնում է RIA Novosti-ն:
«Նկատվում են զանգվածային դասալքության փաստեր ու զինյալների ամբողջական ստորաբաժանումների կողմից ռազմական գործողությունների ժամանակ մարտերից խուսափելու փորձեր: Այսպես, դաշտային հրամանատար Աբու Խալդունի բանդիտական միավորումը՝ մոտ 30 մարդ, կիրակի դասալքություն է կատարել իր զբաղեցրած դիրքերից ամբողջ կազմով»,- հայտարարել է Կոնաշենկովը:
Բացի այդ՝ նա հայտնել է ռուսական ավիացիայի կողմից ԴԱԻՇ-ի հարյուրավոր օբյեկտների ոչնչացման ու Ռուսաստանի կողմից Սիրիա մարդասիրական օգնություն ուղարկելու մասին:
