ԱՊՀ երկրների տնտեսությունը 2016թ. կունենա զրոյական աճ. ԱՄՀ
Արժույթի միջազգային հիմնադրամը (ԱՄՀ) Ռուսաստանի տնտեսության անկում է ակնկալում 1%-ով, ասվում է նորացված World Economic Outlook Update-ում, որը կազմվել է հիմնադրամի փորձագետների կողմից:
Ավելի վաղ ԱՄՀ-ն ռուսական տնտեսության անկումը գնահատում էր 0,6%, հայտնում է BBC-ն: Ընդհանուր առմամբ՝ ըստ փորձագետների կանխատեսումների, ԱՊՀ երկրների տնտեսությունը 2016թ. կունենա զրոյական աճ:
2017թ., ըստ ԱՄՀ-ի կանխատեսումների, ռուսական տնտեսությունը կաճի 1%-ով:
Հիմնադրամի տվյալով՝ 2015թ. տվյալով Ռուսաստանի ՀՆԱ-ն նվազել է 3,7%-ով, իսկ համաշխարհային տնտեսության աճը կազմել 3,1%, ինչը համապատասխանում է հոկտեմբերյան գնահատականին:
