Փարիզի կենտրոնում այրվում է հայտնի Ritz հյուրանոցը
Փարիզի կենտրոնում՝ Վանդոմի հրապարակում, այրվում է «Ռից» (Ritz) հյուրանոցը: Հաղորդվում է, որ հրդեհի մասին ահազանգն ստացվել է տեղի ժամանակով ժ. 07.00-ի սահմաններում (Երևանի ժամանակով ժ. 10.00-ն):
Հրդեհը բռնկվել է շինության վերջին հարկում: Նշվում է, որ ներկայում հյուրանոցը հյուրերի չէր ընդունում, քանի որ վերանորոգվում էր:
Դեպքի վայրում աշխատում են քաղաքի արտակարգ իրավիճակների ծառայությունները, հայտնում է TASS-ը:
Վանդոմի հրապարակի Ritz հյուրանոցը բացվել է 1898 թվականին:
Այն պատկանում է եգիպտացի հայտնի գործարար Մոհամմեդ ալ-Ֆայեդին:
2012-ին այն փակվել էր կապիտալ վերանորոգման համար:
Վերանորոգման աշխատանքների ավարտը, որոնց ընդհանուր արժեքը գնահատվում է 140 միլիոն եվրո, նախանշված է այս տարվա մարտին:
