Իրանը սառեցված ակտիվների տեսքով կստանա շուրջ 55 միլիարդ դոլար. Քերի
Ֆինանսական միջոցների ծավալը, որը Իրանը կստանա իր նկատմամբ պատժամիջոցների չեղարկման ու արտերկրում իր ակտիվների ապասառեցման արդյունքում, կհասնի գրեթե 55 միլիարդ դոլարի:
Ինչպես հայտնում է TASS-ը, նման տվյալներ է ներկայացրել ԱՄՆ պետքարտուղար Ջոն Քերին:
Նա կտրականապես հերքել է մասնագետների այն եզրակացությունները, որոնց գնահատականի համաձայն՝ Իրանը կարող է ստանալ մոտավորապես 100-150 միլիարդ դոլար:
«Դա հորինված թիվ է: Չգիտեմ՝ որտեղից են այն վերցրել: Նրանք կստանան մոտավորապես 55 միլիարդ դոլար»,- հայտարարել է ԱՄՆ արտաքին քաղաքական գերատեսչության ղեկավարը MSNBC հեռուստաալիքի եթերում:
Ընդ որում՝ նա նշել է, որ Իրանը գումարը կստանա ոչ թե միանգամից, այլ «որոշակի ժամանակահատվածի ընթացքում»:
