Մոսկվան մտադիր է ՀԱՊԿ-ը վերակազմավորել ունիվերսալ միջազգային կազմակերպության
Ռուսաստանը մտադիր է զբաղվել Հավաքական անվտանգության պայմանագրի կազմակերպության (ՀԱՊԿ) վերակազմավորմամբ՝ այն դարձնելով ունիվերսալ միջազգային կազմակերպություն, հայտնում է RIA Novosti-ն:
«Ռուսաստանը մտադիր է սերտացնել համագործակցությունը գործընկերների հետ ԲՐԻՔՍ-ի, ՇՀԿ-ի, «20-յակի», Ասիա-խաղաղօվկիանոսյան տնտեսական համագործակցության ու միջազգային մյուս կառույցների շրջանակում:
Մեր երկիրն ակտիվորեն օգտագործելու է տարածաշրջանային ու ենթատարածաշրջանային ինտեգրման պոտենցյալը ԱՊՀ-ի ու ԵՏՄ-ի շրջանակում, ինչպես նաև ՀԱՊԿ-ը վերակազմավորելու է՝ դարձնելով ունիվերսալ միջազգային կազմակերպություն, որը ի վիճակի կլինի հակազդել մարտահրավերների լայն շրջանակի ու մեր ժամանակների սպառնալիքներին»,- ասվում է Ռուսաստանի Անվտանգության խորհրդի հայտարարության մեջ:
