Բաքվում առևտրականները բողոքի ակցիայի են դուրս եկել
Բաքվի առևտրի խոշորագույն կենտրոններից մեկում՝ «Բինա»-ում, տեղի է ունենում բողոքի ակցիա, որին մասնակցում են առևտրականները: Այս մասին հայտնում է «Ենի Մուսավաթ» թերթը:
Տեղեկությունների համաձայն՝ առևտրային մի քանի շարքերի սեփականատերերը փակել են իրենց խանութները ու պահանջում նվազեցնել վարձակալության վճարը:
Սա առևտրականների բողոքի առաջին ակցիան չէ: Անցած անգամ նրանց պահանջները չեն իրականացել:
Առևտրականները բողոքում են տնտեսական ճգնաժամից ու բնակչության գնողունակության նվազումից, ինչն ազդել է առևտրի վրա:
Առևտրականները պահանջում են, որ առևտրի կենտրոնի ղեկավարությունը իրենց վիճակի մեջ մտնի ու նվազեցնի վարձակալության վճարը:
