Փարիզի Օրսե թանգարանում կալանավորել են հրապարակավ մերկացող նկարչուհուն
Փարիզի Օրսե թանգարանում կալանավորել են հրապարակավ մերկացող սկանդալային նկարիչ Դեբորա դե Ռոբերտիսին, հայտնում է LifeNews-ը:
Պատճառն այն է, որ կինը հրապարակավ մերկացել է Էդուարդ Մանեի «Օլիմպիա» կտավի դիմաց ու ընդունել նույնպիսի դիրք, ինչպիսին կտավի հերոսուհին:
Կինը, սակայն, հերքել է հասարակական կարգը խախտելու մեղադրանքները՝ իր գործողություններն անվանելով ներկայացում ու արվեստի ակտ:
Դեբորա դե Ռոբերտիսին տեղափոխել են Փարիզի ոստիկանություն: Ներկայում որոշվում է նրա դեմ դատական հայց ներկայացնելու հարցը:
