Որո՞նք են 2015թ. ամենահուսալի ավտոմեքենաները
Euro NCAP-ի փորձագետները հրապարակել են հայտնի ավտոարտադրողների առավել անվտանգ մոդելների վարկանշային ցուցակը, հայտնում է korrespondent.net-ը:
Ցանկի կազմման ժամանակ հաշվի է առնվել վարորդի ու մեծահասակ ուղևորների պաշտպանվածությունը, ինչպես նաև՝ երեխաների, հետիոտնի ու անվտանգության ինչ-որ հավելյալ համակարգերի անվտանգությունը:
Փորձագետների խոսքով՝ Volvo XC90-ն ռեկորդ է սահմանել քրաշ-թեստերի հանձնման ժամանակ կրոսովերների շրջանում: Մեքենայի անվտանգության համակարգերը ստացել են անվտանգության 100 տոկոսանոց ցուցանիշ, մեծահասակների պաշտպանությունը՝ 97 տոկոս:
Հիանալի ցուցանիշների պատճառով Volvo XC90-ը առաջատար է դարձել նաև ընդհանուր ցուցակում:
Բացի Volvo-ից՝ արժանին են մատուցել նաև Infiniti Q30-ին, որը ճանաչվել է Լավագույն ընտանեկան ավտոմեքենա, Mercedes-Benz GLC-ին ու Jaguar XE-ին:
Volkswagen Touran-ը ճանաչվել է ամենաանվտանգ կոմպակտ վեն, իսկ Mazda MX-5-ը՝ լավագույն ռոդստեր:
Վարկանշային աղյուսակում առաջատար դիրք է գրավել Renault Espace-ը՝ Ford Galaxy-ի ու Ford S-Max-ի հետ:
