Օզբիլիզը չի մեկնել Դուբայ
Մոսկվայի «Սպարտակի» ֆուտբոլիստներն ուղևորվել են Դուբայ՝ ուսումնամարզական հավաք անցկացնելու:
Մոսկովյան ակումբի պաշտոնական կայքը հայտնում է, որ Հայաստանի հավաքականի կիսապաշտպան Արաս Օզբիլիզը թիմակիցների հետ չի մեկնել Դուբայ և մնացել է Մոսկվայում:
Օզբիլիզը մարզվելու է «Սպարտակի» 2-րդ թիմի հետ:
Ինչպես արդեն տեղեկացրել ենք, Օզբիլիզը, ամենայն հավանականությամբ, կլքի մոսկովյան ակումբը գուցե հենց այս տրանսֆերային պատուհանի ժամանակ:
Սիրարփի Աղաբաբյան
