2015թ. ԴԱԻՇ-ի զինյալները Սիրիայում հավաքագրել են 1800 երեխայի
Ահաբեկչական ԴԱԻՇ խմբավորման զինյալները 2015 թվականին իրենց շարքերն են ընդունել շուրջ 1800 սիրիացի երեխաների: Այս մասին հայտնում է EFE գործակալությունը՝ հղում կատարելով Սիրիայում մարդու իրավունքների դիտորդական խորհրդի տվյալներին:
Նշվում է, որ 350 երեխա արդեն սպանվել է: Մասնավորապես, նվազագույնը 48 «նորակոչիկ» դարձել է մահապարտ-ահաբեկիչ ու սպանվել հանձնարարությունների կատարման ժամանակ:
Սիրիայում ԴԱԻՇ-ի կողմից վերահսկվող տարածքներում գործում են կամավոր անչափահասների հավաքագրման կետեր: Երեխաները մարզումներ են անցնում ահաբեկիչների ճամբարներում, ինչից հետո նրանց օգտագործում են ահաբեկչություններ իրականացնելու, մարտական գործողությունների մասնակցելու մեջ:
Սիրիայում մարդու իրավունքների դիտորդական խորհուրդը նշում է, որ ահաբեկիչները հունվարին ավարտել են 175 անչափահասից բաղկացած խմբի մարզումները:
