ԱՄՆ-ում ձերբակալվել է երկրի 10 ամենահետախուզվող հանցագործներից մեկը
ԱՄՆ-ի Հետաքննությունների դաշնային բյուրոյի աշխատակիցները կարողացել են ձերբակալել գերատեսչության ցանկի 10 ամենահետախուզվող հանցագործներից մեկին, հայտնում է CNN-ը:
Մալոխ Ջեկորի Մեյսոնը գտնվում էր հետախուզման մեջ՝ կապված 2 բանկի թալանման ու Դենվերում հրաձգության հետ: Նրա մասնակցությամբ հանցագործություններն իրականացվել էին սեպտեմբեր-նոյեմբեր ամիսներին:
Գերատեսչության տվյալով՝ ձերբակալությունն առանց խոչընդոտների է իրականացվել: Հետաքննությունների դաշնային բյուրոյի աշխատակիցները Մեյսոնին հայտնաբերել էին Կոլորադո նահանգի Թորնթոն քաղաքում:
