Իրաքում ոչնչացվել է ԴԱԻՇ-ի մահապարտներ պատրաստող հրամանատարը
Իրաքի պաշտպանության նախարարությունը հայտարարել է ԴԱԻՇ ահաբեկչական խմբավորման հրամանատարի ոչնչացման մասին, որը պատասխանատու էր մահապարտների ու մի շարք զինյալների պատրաստման համար, հայտնում է RIA Novosti-ն:
«ՆԳՆ հետախուզական խումբը հայտարարում է Մուհամմեդ Աբդ Մանաֆ ար-Ռաուի մահվան մասին Աբու-Քամալ քաղաքի աշ-Շիֆա հիվանդանոցում հունվարի 7-ին տեղի ունեցած օպերացիայի հետևանքով: Խումբը հաստատել է, որ մահացածը պատասխանատու էր Բաղդադում մահապարտներ պատրաստելու համար:
Նա նաև ղեկավարում էր պայթուցիկներով լի մեքենաները Բաղդադ ու Էր-Ռամադի ուղարկելու գործընթացը, որտեղ էլ և մահացել է հունվարի 13-ին»,- ասվում է գերատեսչության կայքում:
Նշվում է, որ զինյալի նկատմամբ միջազգային հետախուզում էր հայտարարվել:
