Ֆրանսիան կրճատել է զբոսաշրջային վիզաների տրամադրման ժամկետները Հայաստանի, Վրաստանի քաղաքացիների համար
Ֆրանսիան կրճատել է զբոսաշրջային այցագրերի (վիզաների) տրամադրման ժամկետները 5 երկրի քաղաքացիների համար՝ մինչև 2 օր: Վիզաներն արագ կերպով կտրամադրվեն հայերին, վրացիներին, թուրքերին, վիետնամցիներին ու ինդոնեզացիներին, հայտնում է «Գրուզիա օնլայնը»:
Այս մասին Փարիզում հայտարարել է Ֆրանսիայի արտգործնախարարԼորան Ֆաբիուսը:
«Ֆրանսիայի զբոսաշրջային վիզաների տրամադրման ժամկետները Հայաստանի, Վրաստանի, Թուրքիայի, Վիետնամի ու Ինդոնեզիայի քաղաքացիների համար կտևի 48 ժամ»,- ասել է Ֆաբիուսը:
Ավելի վաղ նման որոշում կայացվել էր չինացի զբոսաշրջիկների նկատմամբ: Նրանց վիզա կտրամադրվի մեկօրյա ժամկետում:
