ՄԻՊ նոր թեկնածուի անունը հայտնի է միայն մի հոգու. մականունավոր իրավաբանը բազմաթիվ պաշտոնյաների մերձավորներից է. «Հրապարակ»
«Հրապարակ» օրաթերթը գրում է. «Կարեն Անդրեասյանի հրաժարականից ժամեր անց ՄԻՊ բազմաթիվ թեկնածուների անուններ էին շրջանառվում, սակայն քաղաքական վերնախավում լավ գիտեն, որ հաջորդ ՄԻՊ-ի անուն-ազգանունը հայտնի է միայն մի հոգու, որն այժմ վայելում է ՄԻՊ-ի տեղի համար հայտարարված մարտերի հաճույքը: Իսկ շրջանառվում են ԱԺ պատգամավորներ Կարեն Բեքարյանի, Թեւան Պողոսյանի, փաստաբան Արտակ Զեյնալյանի, իրավապաշտպան Ավետիք Իշխանյանի անունները: Երեկ, սակայն, նոր թեկնածուի անուն էլ լսեցինք՝ ԵՊՀ իրավաբանական ֆակուլտետի դեկանի տեղակալ, դոցենտ Կարեն Գեւորգյան, մականունը՝ Հնդիկ:
Նա Կենտրոնի դատավոր Ռուբեն Վարդազարյանի հետ հիմնել եւ ղեկավարում է «Բռեյվ» իրավաբանական գրասենյակը, հայրը՝ Ալբերտ Գեւորգյանը, քաղաքապետարանում է աշխատում՝ Տարոն Մարգարյանի խորհրդականն է, համակարգում է տրանսպորտի ոլորտը: Գեւորգյանն ազգակցական կապեր ունի Վերահսկիչ պալատի նախագահ Իշխան Զաքարյանի հետ եւ իրավաբանականի դեկան Գագիկ Ղազինյանի սիրելիներից է։ Այնպես որ, շատ իրական թեկնածու է»։
Ավելի մանրամասն՝ թերթի այսօրվա համարում:
