Սամվել Մարտիրոսյանը հորդորում է չօգտվել Facebook-ում այն ծրագրերից, որոնք իբրև ցույց են տալիս՝ ովքեր են այցելել Ձեր էջ
Մեդիա փորձագետ Սամվել Մարտիրոսյանը Facebook-յան իր էջում գրառում է արել և հորդորել օգտատերերին չօգտվել այն ծրագրերից, որոնք իբր թե ցույց են տալիս օգտատերերին, թե ովքեր են այցելել իրենց էջ:
Նա մասնավորապես գրել է. «Ֆեյսբուքում երրորդ օրն է, ինչ նոր ակտիվությամբ սկսվել է տարածվել ծրագիր, որը, իբր, ցուցադրում է ձեր պրոֆիլը մտած օգտվողներին։ Հայերեն ասած՝ «գոսծիներին»։ Զուգահեռ նույնը ագրեսիվ տարածվում է հեռախոսի «ափ»-երի ձևով։ Սա խաբեություն է։ Ֆեյսբուքը ՉԻ ՏՐԱՄԱԴՐՈՒՄ ՏԵՂԵԿԱՏՎՈՒԹՅՈւՆ ՊՐՈՖԻԼԻ ԱՅՑԵԼՈւՆԵՐԻ ՄԱՍԻՆ։ Սա խաբեություն է։ Որը հետն էլ ձեզանից, մեծ հավանականությամբ, տեղեկատվություն է գողանում»։
