ԱՄՆ-ն ուկրաինական բանակին կտրամադրի 300 միլիոն դոլար
Ուկրաինան ԱՄՆ-ից 2016 թվականի ընթացքում բանակի զարգացման նպատակով ակնկալում է 300 միլիոն դոլարի օգնություն: Այս մասին, ինչպես տեղեկացնում է korrespondent.net-ը, «5-րդ ալիքի» եթերում հայտարարել է Ուկրաինայի ԶՈՒ Գլխավոր շտաբի ներկայացուցիչ Վլադիսլավ Սելեզնյովը:
«Մենք ակնկալում ենք այս տարվա ընթացքում շուրջ 300 մլն դոլարի օգնություն մեր ամերիկացի գործընկերներից: Ներկայում գործում են մեր զինվորականներին նախապատրաստելու ծրագրեր: Այդ ծրագրերում ներգրավված են ՆԱՏՕ-ի երկրների օտարերկրացի գործընկերները: Ուկրաինայի ԶՈՒ 2016 թվականի բյուջեն կազմում է ՀՆԱ-ի 2,5 տոկոսը»,- ասել է նա:
