BP-ն կրճատում է Ադրբեջանում աշխատակիցների թիվը
Բրիտանական նավթ ու գազ արդյունահանող BP ընկերությունը այսօր հայտնել է, որ մոտակա 2 տարում ողջ աշխարհում կրճատելու է շուրջ 4 հազար աշխատատեղ հետախուզության ու արդյունահանման ստորաբաժանումներում:
Ինչպես ասված է ընկերության հայտարարության մեջ, կրճատումները կվերաբերեն նաև Ադրբեջանում ընկերության անձնակազմին: Այս մասին տեղեկացնում է haqqin.az-ը:
Ինչպես նշված է BP-ի հայտարարության մեջ, կրճատումները կվերաբերեն Անգոլայում, Ադրբեջանում, Մեքսիկական նեղուցում ու Հյուսիսային ծովում գտնվող ստորաբաժանումներին:
Կրճատումները կվերաբերեն 24 հազար աշխատատեղերից 4 հազարին: Կրճատումներն իրականացվելու են մինչև 2017 թվականի դեկտեմբերը:
Այդ քայլի հիմնական պատճառը նավթի ցածր գներն են, ուժեղ դոլարը, պահուստների ծանրաբեռնվածությունը, որոնք առաջացնում են աշխարհում այդ հումքի նկատմամբ թույլ պահանջարկ:
