Զարմացած եմ, որ Նեյմարը երկրորդը չէ, բայց կլռեմ, որպեսզի «Ռեալում» կրկին լաց չլինեն. Դանի Ալվես
«Բարսելոնայի» և Բրազիլիայի ազգային հավաքականի պաշտպան Դանի Ալվեսը ծաղրել է Կրիշտիանու Ռոնալդուին և նրա ակումբին:
«Իհարկե, Նեյմարը հսկայական քայլ է արել դեպի առաջ: Նրա առաջընթացը դժվար է չնկատել: Ինձ զարմացրեց, որ նա երկրորդը չդարձավ, կարծում եմ, որ Նեյմարը արաժանի էր դրան: Բայց ավելի լավ է ես լռեմ, որպեսզի նրանք («Ռեալի» ներկայացուցիչները) նորից չլացեն:
Մեր բախտը բերել է, որ մենք կարող ենք հետևել Մեսսիի խաղին: Քանի դեռ նա խաղում է, մյուսները ոչ մի շանս չունեն, քանի որ ամեն տարի նա ավելի ուժեղ է դառնում: Երբ Լեոն ցույց է տալիս իր մակարդակը, նրան հավասարը չկա»,- ցիտում է Ալվեսին AS-ը:
Մեսսին հավաքել է ձայների 41.33 տոկոսը, Ռոնալդուն` 27.76 տոկոսը, իսկ Նեյմարը` 7.86 տոկոսը:
Ավելի վաղ Մեսսին դարձել է մրցանակի դափնեկիր 2009, 2010, 2011 և 2012թթ.:
Պատրաստեց Անի Գաբուզյանը
