Ստամբուլի կենտրոնական հրապարակում պայթյուն է որոտացել
Ստամբուլի պատմական Սուլթանահմեդ շրջանում պայթյուն է որոտացել: Սուլթանահմեդ հրապարակի շուրջ տեղակայված են տեսարժան վայրեր:
Ինչպես հայտնել է թուրքական «ՀաբերԹուրք» հեռուստաալիքը, պայթյունի հետևանքով մի քանի մարդ վնասվածք է ստացել:
Պայթյունի պատճառն ու աղբյուրը դեռ ճշտված չեն: Հրապարակը ներկայում շրջապատված է:
Հաղորդվում է, որ դետոնացիայի հետևանքով շրջվել է ոստիկանական մեքենա: Դեպքի վայր են ժամանել բժիշկներ ու մեծ թվով ոստիկաններ:
Ինչպես հաղորդում են մի շարք թուրքական պարբերականներ, դեպքի հետևանքով տուժել են գերմանացի զբոսաշրջիկներ:
