Հռոմի պապը կոչ է արել ստեղծագործական մոտեցում դրսևորել միգրացիոն ճգնաժամի լուծման հարցում
Հռոմի պապ Ֆրանցիսկոսը հայտարարել է միգրացիոն ճգնաժամի լուծման հարցում վճռական ու ստեղծագործական մոտեցում ցուցաբերելու անհրաժեշտության մասին, հայտնում է Associated Press-ը:
Միաժամանակ, նա նշել է, որ Եվրոպան միջոցներ ունի փախստականներին ու ներգաղթյալներին ընդունելու համար՝ առանց վնասելու սեփական անվտանգությունն ու մշակույթը: Հռոմի պապը հավելել է, որ Եվրոպայի ուսերին «բարոյական պատասխանատվություն» է դրված:
Հռոմի պապի խոսքով՝ միջազգային պաշտպանության են արժանի ինչպես փախստականները, որոնք փախչում են պատերազմից, այնպես էլ ներգաղթյալները, որոնք փրկվում են աղքատությունից:
Ֆրանցիսկոսը ելույթի ժամանակ հայտարարել է միգրացիոն հարցի լուծման համար հավասարակշռություն գտնելու անհրաժեշտության մասին:
