Համաշխարհային շուկաներում նավթը շարունակում է էժանանալ
Նավթն ու գունավոր մետաղներն այսօր էժանացել են չինական տնտեսության հեռանկարների նոր մտավախությունների ֆոնին, իսկ ոսկին թանկացել է՝ հասնելով վերջին 2 ամսվա առավելագույնին:
Brent ապրանքանիշի նավթի ֆյուչերսների գինը Լոնդոնի ICE բորսայում նվազել է 2,15%-ով՝ 1 բարելի դիմաց հասնելով 32,83 դոլարի: Ավելի վաղ նավթի 1 բարելն արժեր 32,64 դոլար, հայտնում է Bloomberg-ը:
Ուրբաթ օրը գները փակվել էին 2004 թվականից ի վեր նվազագույն մակարդակում:
WTI-ի փետրվարյան ֆյուչերսները Նյու Յորքի ապրանքային բորսայում (NYMEX) նվազել են 1,9%-ով՝ մինչև 1 բարելի դիմաց 32,53 դոլարի:
Ներդրողները տրամադրված են գների հետագա նվազման, ասում են վերլուծաբանները:
