Մահացել է բրիտանացի հայտնի երգիչ Դևիդ Բոուին
Մահացել է բրիտանացի հայտնի երգիչ Դևիդ Բոուին: Այս մասին իր Twitter-ում հայտնել է նրա որդին՝ կինոռեժիսոր Դանկան Ջոնսը՝ դրանով իսկ հաստատելով գրառումը, որը ավելի վաղ տարածվել էր Դևիդ Բոուի Facebook-յան էջում:
«Դևիդ Բոուին խաղաղ մահացել է այսօր առավոտյան իր ընտանիքի կողմից շրջապատված՝ քաղցկեղի դեմ 18-ամսյա պայքարից հետո»,- ասվում է հաղորդագրության մեջ:
Դևիդ Բոուին արժանացել է «Գրեմմիի», Saturn Awards-ի ու այլ հեղինակավոր մրցանակների: Երաժիշտը լայն ճանաչում ստացավ 1960-ականների վերջին Space Oddity կոմպոզիցիայի լույս տեսնելուց հետո, որը դարձավ համաշխարհային ռոքի դասական:
Ընդամենը մի քանի օր առաջ լեգենդար երաժիշտը տոնում էր իր 69-ամյակը, նույն օրը՝ հունվարի 8-ին, տեղի ունեցավ նրա վերջին՝ Blackstar ալբոմի ռելիզը, որը թվով 27-րդն էր:
