ԴԱԻՇ-ն ստանձնել է Կահիրեում հյուրանոցի ու ավտոբուսի վրա հարձակումների պատասխանատվությունը
ԴԱԻՇ ահաբեկչական խմբավորումն ստանձնել է Եգիպտոսի մայրաքաղաքում զբոսաշրջիկների տեղափոխող ավտոբուսի ու հյուրանոցի վրա հարձակման պատասխանատվությունը, հայտնում է Reuters-ը:
Ավելի վաղ մոտոցիկլետով 2 անհայտ անձ կրակ էր բացել Կահիրեի բուրգերի հարևանությամբ գտնվող Էլ-Գիզա շրջանում զբոսաշրջիկների տեղափոխող ավտոբուսի ու հյուրանոցի ուղղությամբ: Հյուրանոցի անվտանգությունը պատասխան կրակ էր բացել: Հարձակման հետևանքով ոչ ոք չէր տուժել:
Ինչպես հայտնում է Reuters-ը, հղում կատարելով Amaq գործակալությանը, «հարձակման նպատակը եղել են իսրայելցի զբոսաշրջիկները»:
Եգիպտոսի ՆԳՆ-ն հայտարարել է, որ հարձակման թիրախը եղել են երկրի անվտանգության ծառայությունները:
