Սուարեսին կրկին մեղադրում են ռասիստական վիրավորանքների համար
Իսպանական մամուլը հայտնում է, որ «Բարսելոնայի» հարձակվող Լուիս Սուարեսն Իսպանիայի Գավաթի 1/8 եզրափակչի «Էսպանյոլի» դեմ առաջին խաղում լեզվակռիվ է սկսել մրցակցի կիսապաշտպան Պապակուլի Դիոպի հետ:
«Էսպանյոլի» ֆուտբոլիստները պնդում են, որ Սուարեսը Դիոպին ռասիստական վիրավորանք է հասցրել, ինչից հետո է միայն սենեգալցին զայրացել, կոպիտ կերպով պատասխանել ուրուգվայցուն և հեռացվել խաղադաշտից:
Սուարեսի կարիերայում սա առաջին դեպքը չէ, երբ նրան նման մեղադրանք են առաջադրել: «Լիվերպուլում» հանդես գալու ժամանակ հարձակվողը 8-խաղյա որակազրկում էր ստացել Պատրիս Էվրայի հասցեին արված արտահայտության համար:
Սիրարփի Աղաբաբյան
