Ֆրանսիայում ահաբեկչության սպառնալիքի պատճառով ավելի քան 800 մարդ է տարհանվել եկեղեցուց
Կաթոլիկական Սուրբ Ծննդի նախօրեին ոստիկանությունը ստիպված է եղել եկեղեցուց շտապ տարհանել ավելի քան 800 հավատացյալի Ֆրանսիայի հարավարևելյան Բեզանսոն քաղաքի Սուրբ Հովսեփի տաճարից, հայտնում է TASS-ը:
Ինչպես հայտնում են տեղի ԶԼՄ-ները, ահազանգը հնչել է այն բանից հետո, երբ ոստիկանությունը հեռախոսազանգ է ստացել եկեղեցու հարևանությամբ կայանված կասկածելի ավտոմեքենայի մասին:
Սուրբծննդյան պատարագն արագ դադարեցվել է: Իրավապահները արագ եկեղեցուց դուրս են բերել մարդկանց:
Բարեբախտաբար, ահազանգը կեղծ է եղել՝ շուտով հայտնվել է նաև մեքենայի տերը, ով, խախտելով անվտանգության կանոնները, չափազանց մոտ էր կանգնեցրել մեքենան եկեղեցուն:
Ներկայիս Սուրբ Ծնունդը Ֆրանսիայում 50 տարում առաջին անգամ անցկացվում է արտակարգ դրության պայմաններում, որը սահմանվել է Փարիզի ահաբեկչություններից հետո:
