«Լիվերպուլն» անպայման հաջողության կհասնի Կլոպի հետ. Սթիվեն Ջերարդ
«Լիվերպուլի» նախկին ավագ Սթիվեն Ջերարդը կիսվել է տպավորություններով ակումբի գլխավոր մարզչի` Յուրգեն Կլոպի կատարած աշխատանքի մասին:
«Կարծում եմ, որ ֆուտբոլիստները պետք է գոհ լինեն: Նման մարզչի հետ աշխատելը մեծ պատիվ է յուրաքանչյուրի համար: Կարևոր չէ, երիտասա՞րդ ֆուտբոլիստ ես, թե՞ փորձառու: Ուզում եմ նշել, որ մթնոլորտն ակումբում հիասքանչ է: Բոլորը կատակում են, ծիծաղում: Յուրգենը շատ ուրախ մարդ է և ունի հումորի զգացում:
Ես նույնպես ինչ-որ նոր բան եմ սովորել նրա մարզումներից: Միշտ պետք է սովորել, բոլոր տարիքներում: Ես յուրաքանչյուր մարզչից փորձում եմ վերցնել ինչ-որ յուրահատուկ բան: Իսկ «Լիվերպուլն» անպայման հաջողության կհասնի Կլոպի հետ»,- ասել է Ջերարդը:
Պատրաստեց Անի Գաբուզյանը
