«Մանչեսթեր Յունայթեդը» պատրաստ է Ռոբերտ Լևանդովսկու համար վճարել 70 մլն եվրո
«Մանչեսթեր Յունայթեդը», որը մեծ պրոբլեմներ ունի՝ կապված հարձակողական գծի հետ, մտադիր է ծախսել մեծ գումար Մյունխենի «Բավարիայի» հարձակվող Ռոբերտ Լևանդովսկուն ձեռք բերելու համար:
Ինչպես հաղորդում է TalkSPORT-ը, լեհի համար «Մանչեսթեր Յունայթեդը» պատրաստ է վճարել 70 մլն եվրո: Ընդ որում, անգլիացիները պետք է դիմակայեն «Ռեալի» և «ՊՍԺ»-ի մրցակցությանը, որոնք նույնպես հետաքրքրություն են ցուցաբերում Լևանդովսկու նկատմամբ:
Ընթացիկ մրցաշրջանում Ռոբերտ Լևանդովսկին անցկացրած 26 խաղերում դարձել է 23 գոլի հեղինակ:
Պատրաստեց Անի Գաբուզյանը
