Թիվ 9 պոլիկլինիկայի մոտ Հրդեհ է բռնկվել
Դեկտեմբերի 24-ին, ժամը 06.36-ին ահազանգ է ստացվել, որ Երևանի Շիրակի փողոցում՝ թիվ 9 պոլիկլինիկայի մոտակայքում, այրվում է կրպակ:
Դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Արտաշիսյան 3-րդ նրբանցքում գտնվող կրպակում: Հրդեհը մեկուսացվել է ժամը 07.18-ին, մարվել՝ 07.24-ին:
Այրվել են կրպակի փայտյա կառուցատարրերը, ներսում՝ տնտեսական իրեր և խաղալիքներ (5 քմ):
