Լավրովը Մոսկվայում կհանդիպի Թուրքիայի քրդամետ կուսակցության համանախագահ Սալահեթթին Դեմիրթաշի հետ
Ռուսաստանի ԱԳՆ-ն հաստատում է տեղեկությունը, թե այս շաբաթ, հնարավոր է, որ հանդիպեն ՌԴ ԱԳՆ ղեկավար Սերգեյ Լավրովն ու քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Սելահեթթին Դեմիրթաշը: Այս մասին հայտնում է Interfax-ը:
Ավելի վաղ հայտնի էր դարձել, որ Դեմիրթաշը Մոսկվա կայցելի այս շաբաթվա կեսին: Վերջինս հայտարարել էր, թե Լավրովի հետ կհանդիպի դեկտեմբերի 23-ին:
Հաղորդվում էր նաև, որ քաղաքական գործիչը պատրաստվում է Մոսկվայում հարց բարձրացնել իր կուսակցության ներկայացուցչության բացման մասին:
Մինչ այդ, ՌԴ-ում Թուրքիայի դեսպանությունից Interfax-ին հայտնել են, թե իրենք հրաժարվում են մեկնաբանել այդ տեղեկությունը:
