46-ամյա տղամարդը մորը բռունցքներով և ձեռնափայտով ծեծել է դիտողություն անելու համար
Դատարան է ուղարկվել որդու կողմից մորը ծեծելու վերաբերյալ քրեական գործը:
46-ամյա տղամարդուն մեղադրանք է առաջադրվել այն բանի համար, որ նա տան խոհանոցում ափսե կոտրելուց հետո, մոր կողմից դիտողություն ստանալով, վիճել է վերջինիս հետ, այնուհետև բռունցքներով և ձեռնափայտով մի քանի անգամ հարվածել է նրա մարմնի տարբեր հատվածներին` պատճառելով գլխի, ձախ նախաբազկի, կրծքավանդակի ձախ կեսի արյունազեղումների ձևով, առողջության թեթև վնասի հատկանիշներ չպարունակող մարմնական վնասվածքներ:
Խափանման միջոց է ընտրվել ստորագրություն չհեռանալու մասին:
