Մադոննան հերքել է Շոն Փենի՝ իրեն ծեծելու մասին լուրերը
Ամերիկացի երգչուհի Մադոննան ապացույցներ է ներկայացրել, որ Շոն Փենն իրեն չի ծեծել բեյսբոլի մահակով 1980-ականներին, երբ իրենք դեռ ամուսիններ էին, հայտնում է The Daily Mail-ը:
57-ամյա երգչուհին վստահեցնում է, որ Շոն Փենը իրեն երբեք չի ծեծել՝ իր խոսքերը հաստատելով ականատեսների վկայություններով:
«Իմ ու Շոնի միջև հաճախ են առաջացել վեճեր, երբ մենք ամուսնացած ենք եղել, սակայն նա անգամ մատով չի դիպչել ու երբեք բարոյապես չի ստորացրել»,- նշել է Մադոննան:
Ինչպես նշում է պարբերականը, դերասանուհին արձագանքել է զրպարտության մասին գործին, որտեղ Շոն Փենը մեղադրանքներ էր հղել ռեժիսոր Լի Դենիելսի հասցեին: Հայտնի է, որ հոլիվուդյան դերասանը դատական հայց է ներկայացրել «Կայսրության» ստեղծողի դեմ դեռ այս տարվա սեպտեմբերին ու պահանջում է Դենիելսից 10 մլն դոլար:
Անձամբ ռեժիսորը մի քանի ամիս առաջ արտահայտվել էր Շոն Փենի հասցեին՝ նրան մեղադրելով ընտանեկան բռնության մեջ:
Մադոննան ու Շոն Փենն ամուսնացած են եղել 1985-1989թթ.: Մադոննայից ամուսնալուծվելուց հետո դերասանն անմիջապես ամուսնացավ դերասանուհի Ռոբին Ռայթի հետ:
