Մոուրինիոն չի վերադառնա «Ռեալ Մադրիդ»
Մադրիդի «Ռեալի» նախագահ Ֆլորենտինո Պերեսը հայտարարել է, որ իր մտքով անգամ չի անցել վերադարձնել Ժոզե Մոուրինիոյին:
«Ես ապագան գուշակելու կարողություն չունեմ, սակայն առաջիկայում Մոուրինիոն չի վերադառնա «Ռեալ»։ Բենիտեսը կարող է լուծել ներկա խնդիրները։ Զիդանն օգնում է նրան, նա արագ է ամեն ինչ սովորում, սակայն, կրկնվում եմ՝ Բենիտեսն է մեր գլխավոր մարզիչը։
Ռաֆային ժամանակ է պետք: Նրա և ֆուտբոլիստների միջև լարվածությունները հորինել է մամուլը»,- նշել է Պերեսը։
Հիշեցնենք, որ Մոուրինիոն դեկտեմբերի 17-ին պաշտոնանկ էր արվել Լոնդոնի «Չելսիի» գլխավոր մարզչի պաշտոնից։
Սիրարփի Աղաբաբյան
