Պենտագոնը հայտնել է ԴԱԻՇ-ի երեք առաջնորդների ոչնչացման մասին
Պենտագոնը հայտնել է վերջին շրջանում ԴԱԻՇ-ի 3 առաջնորդների ոչնչացման մասին: Այս մասին հայտնել է ԱՄՆ կոալիցիայի շտաբի ներկայացուցիչ Սթիվեն Ուորենը, տեղեկացնում է RIA Novosti-ն:
Ուորենի խոսքով՝ նոյեմբերի վերջին ոչնչացվել է Աբու-Սալաֆը՝ ԴԱԻՇ-ի «ֆինանսների նախարարը»:
Բացի այդ՝ ամսվա վերջին ոչնչացվել են Աբու Միրիամը, որը խմբավորման մեջ «ղեկավարում էր շորթումները» ու Աբու Ռամզան ալ-Թունիսին, որը կոորդինացրել է ահաբեկչական խմբավորումների զինյալների միջև տեղեկությունների փոխանակությունը, ինչպես նաև պատասխանատու է եղել զինյալներին զինամթերքով ապահովման համար:
Ուորենի խոսքով՝ երեք զինյալներն էլ ոչնչացվել են Իրաքի հյուսիսարևմտյան Տալ-Աֆար քաղաքի արվարձաններին հասցված ավիահարվածների հետևանքով:
