Կես տարում Եգիպտոսի բնակչության թիվն ավելացել է 1 միլիոնով՝ հասնելով 90 մլն-ի
Եգիպտոսում ապրողների թիվը հասել է 90 միլիոն մարդու: Այս մասին հայտնում է RIA Novosti-ն՝ հղում կատարելով Եգիպտոսի Մոբիլիցացիայի ու վիճակագրության կենտրոնական գործակալությանը:
Երկրի բնակչության թիվը 6 ամսում ավելացել է 1 միլիոնով՝ դառնալով 90 միլիոն: 89 միլիոն նշագիծը հաղթահարվել էր անցած ամռանը՝ հունիսի 23-ի:
Եգիպտոսի բնակչության թիվը ավելացել է կրկնակի՝ 1984-ից ու եռակի՝ 1966 թվականից:
Գերատեսչության տվյալով՝ արտերկրում ներկայում ապրում է մոտ 8 մլն եգիպտացի:
Եգիպտոսի սոցիալական համերաշխության նախարարության տվյալով՝ եգիպտացիների մինչև 26%-ն աղքատ է:
