Վենեսուելայի ընդդիմությունը վերջին 17 տարում առաջին անգամ հաղթանակ է տարել խորհրդարանական ընտրություններում
Վենեսուելայի խորհրդարանական ընտրություններում հաղթանակել է «Ժողովրդավարական միասնության կլոր սեղան» ընդդիմադիր բլոկը:
Համաձայն Ազգային ընտրական խորհրդի՝ ընդդիմությունն ստացել է 99 պատգամավորական տեղ միապալատ՝ 167 տեղանոց Ազգային ասամբլեայում, հայտնում է BBC-ն:
Իշխող Վենեսուելայի միասնական սոցիալիստական կուսակցությունը, համաձայն նախնական տվյալների, կստանա 46 տեղ:
Այդկերպ, վերջին 17 տարում առաջին անգամ (Չավեսի իշխանության գալու ժամանակներից ի վեր) սոցիալիստները կորցրեցին տեղերի մեծամասնությունը Վենեսուելայի խորհրդարանում:
Կիրակի օրը կայացած ընտրություններում մասնակցության հայտը կազմել է 74,25%-ը:
Վենեսուելայի մայրաքաղաք Կարակասի բազմաթիվ շրջաններում ընդդիմության հաղթանակի լուրը դիմավորել են հրավառությամբ:
Ընդդիմությունը իշխող կուսակցությանը մեղադրում է սխալ տնտեսական քաղաքականություն վարելու ու նավթային ռեսուրսները անարդյունավետ օգտագործելու մեջ, որը երկրում հանգեցրել է ճգնաժամի:
