Գվարդիոլան պատրաստ է երկարաձգել պայմանագիրը «Բավարիայի» հետ և տարեկան ստանալ 24 մլն եվրո
Ինչպես հաղորդում է Daily Mirror-ը, մյունհենյան «Բավարիայի» ղեկավարությունը և երկրպագուները կարող են ուրախանալ, քանի րո թիմի գլխավոր մարզիչ Պեպ Գվարդիոլան որոշում է կայացրել երկարաձգել պայմանագիրն ակումբի հետ:
Աղբյուրի տեղեկության համաձայն՝ իսպանացի մասնագետը համաձայնել է 2 տարով երկարաձգել համաձայնագիրը գերմանական գրանդի հետ: Պայմանագիրը երկարաձգելուց հետո նա տարեկան կստանա 24 մլն եվրո: Տվյալ պահին Գվարդիոլայի աշխատավարձը կազմում է մոտ 19 մլն եվրո:
Գվարդիոլայի գործող պայմանագիրը մյունհենցիների հետ նախատեսված է մինչև 2016թ. ամառը: Ավելի վաղ հաղորդվել էր, որ Գվարդիոլան ակումբի ղեկավարության հետ կնստի բանակցությունների սեղանի շուրջ՝ Բունդեսլիգայի առաջին շրջանի ավարտից հետո:
Պատրաստեց Անի Գաբուզյանը
