«ՖԵՐՈՆ» ընկերությունը զենք արտադրելու լիցենզիա ստացավ
Այսօր կառավարության նիստում որոշվեց «ՖԵՐՈՆ» ՍՊ ընկերությանը զենքի արտադրության լիցենզիա տալու մասին: ՊՆ փոխնախարար Արա Նազարյանը զեկուցեց, որ ընկերությունը հայտ է ներկայացրեց զենքի արտադրության լիցենզիա ստանալու համար: Ըստ նրա՝ «ՖԵՐՈՆ» ընկերությունը ՀՀ պաշտպանության նախարարության պատվերով իրականացնում է մարտական զենքի պահեստամասերի և համալրող մասերի մշակման, նորոգման ու արտադրության պայմանագրային աշխատանքներ:
Փոխնախարարը նշեց, որ հաշվի առնելով նշվածը, նպատակահարմար է ընկերության տալ զենքի արտադրության լիցենզիա երեք տարի ժամկետով:
